Buhay Hayskul

Alarm ng alas singko, babangon ng alas sais

Ganyan ang mga eskwela kahit ‘di ninanais

Papagalitan pa ni mama para lang makapagbihis

Para makakain na at agad ay aalis.

Pagdating sa paaralan, assignment inaatupag

Kahit ‘di man aminin ngunit guro ay alam

Kopya dito, kopya doon, kopya kahit saan

Hinay hinay lang at baka makopya pati pangalan!

Sa pagdaan ng panahon, crush na ang iniisip

Hindi raw tumitingin ngunit minsan ay sumisilip

At diyan magsisimula ang konting tuksuhan

Na minsan din naman, nauuwi sa “ibigan”.

Buhay hayskul nga naman, sadyang kakaiba

Kahit nga nung 1st year pa ay may kapartner na

Pati mas bata pinapatulan, ng mga ate at kuya

“Child abuse” kung tawagin ng ating mga kapwa

Sa hayskul rin magkakaro’n ng maraming kaibigan

Na sa sobrang kakulitan, lahat nalilimutan

Ngunit kahit na ganun, sila’y palaging nariyan

Sa oras man ng kagipitan o kaya’y kasiyahan

Buhay hayskul nga naman, sadyang komplikado

Ngunit dahil dito, tayo ay nabuo

Namulat ang isip at tayo’y natuto 

Kaya salamat sa lahat, lalo na sa mga guro.

[orihinal na isinulat ni tiBs]